Уулан дээрээс эрдэнэс олжээ

Францын Савойягийн нэгэн уулчин Монблан хайрхан дээрээс нуувар эрдэнэс олжээ. Тэр нууц эрдэнэс хэдэн зуун мянган еврогийн үнэ бүхий үнэт чулуунуудыг агуулж байлаа. Цас, мөсөн дотор 50 орчим жил хэвтсэн үнэт чулуунууд 1950 болон 1966 онуудад агаарын тээврийн Air India компанийн нисэх онгоцнуудын учир битүүлэг ослуудтай холбоотой байж магадгүй гэнэ.

Нэрээ нууцлахыг хүссэн уулчин эр хайрцагтай эрдэнэсийг Шамонигоос холгүйхэн орших Боссон оргил руу авирах үеэрээ олжээ. Хайрцгийг онгойлготол “Энэтхэгт үйлдвэрлэв” гэсэн бичвэр бүхий хэд хэдэн уутанцар гарч ирсэн байна. Тэдгээр дотор маргад эрдэнэ, бадмаараг, индранил чулуунууд байсан гэнэ.

Уулчин эр олсон зүйлээ цагдаа нарт хүлээлгэн өгчээ. Урьдчилсан үнэлгээгээр үнэт чулуунууд нийтдээ 246 мянган еврогийн үнэтэй аж. Тэрхүү ослуудын үеэр зорчиж явсан нэгэн хүн эдгээрийн эзэн байсан гэдэг нь тодорхой юм. Францын хуулиар бол хэрвээ уг олзны жинхэнэ эзэн юм уу түүний өв залгамжлагчид олдохгүй бол эрдэнэсийг олсон хүнд өгөх боломжтой билээ.
Сэтгэгдэл
Нийт:
Нэр:
Сэтгэгдэл:
Одоогоор сэтгэгдэл бүртгэгдээгүй байна.

Бүх эрх хуулиар хамгаалагдсан. @www.wikimon.mn